საზღვაო ტურიზმი - ქობულეთი

ორდღიანი სათავგადასავლო ტური სამეგრელოში: ბათუმი-დადიანების სახლ-მუზეუმი-უწმინდესისა და უნეტარეს ილია II-ს რეზიდენცია-მარტვილის ღვთისმშობლის მიძინების ტაძარი-მარტვილის კანიონი-ბათუმი

გასვლის ადგილი: ბათუმი

ექსკურსიის დროს თქვენ მოინახულებთ:

1 დღე:

დადიანების სახლ-მუზეუმი - ულამაზესი ნაგებობა თავისი არქიტექტურული სიძველეებით, სადაც ინახება მსოფლიო მნიშვნელობის სამუზეუმო ექსპონატები და რელიგიური სიწმინდეები.ზუგდიდის მუზეუმის საგანძურს წარმოადგენს უდიდესი ქრისტიანული სიწმინდე - ყოვლადწმინდა ღვთისმშობლის კვართი.
უწმინდესისა და უნეტარეს ილია II-ს რეზიდენცია - ტაძარი წარმოადგენს ექვსაბსიდიან ჯვარ-გუმბათოვან ნაგებობას, რომლის თაღებქვეშაც არის ერთი საშუალო და ორი მცირე ზომის საკურთხეველი. კომპლექსს საფუძვლად ქრისტეს მონოგრამა უდევს და იგი X-XI საუკუნის კაცხის მაცხოვრის ეკლესიის ანალოგია, რომლის მსგავსიც თანამედროვე ტაძრებს შორის არ გვხვდება. მთლიანად ტაძარს წრიული ფორმა აქვს და ეკლარის ქვითაა მოპირკეთებული.
მარტვილის ღვთისმშობლის მიძინების ტაძარი - აიგო VII საუკუნეში მცხეთის ჯვრის ანალოგიით.ამ ადგილას წარმართულ ხანაში დიდი მუხის ხე იდგა (ჭყონდიდი სწორედ დიდ მუხას ნიშნავს მეგრულად), რომელსაც ჩვილ ბავშვებს სწირავდნენ მსხვერპლად. ანდრია პირველწოდებული ჭყონდიდშიც იყო ჩასული და მისი ლოცვით ამ ხეს მეხი დაეცა. ამის შემდეგ ეს ადგილი წმინდა ადგილად იქცა და პირველი ეკლესია სწორედ აქ აშენდა (თარიღი უცნობია) ანდრია პირველწოდებულის სახელზე.
მარტვილის კანიონი - არის უნიკალური და ულამაზესი ადგილი, რომელსაც მთელს კავკასიაში ანალოგი არ აქვს. კანიონინს კედლებზე მეცნიერებმა პრე-ისტორიულო ცხოველების ნაკვალევი აღმოაჩინეს. დღესდღეობით ამ ტერიტორიაზე შესაძლებელია ნავით გასეირნება და უნიკალური ბუნების დათვალიერება.
ვახშამი საველე პირობებში (კოცონთან)
ღამისთევა სოფ. ბალდაში

2 დღე: საფეხმავლო მარშრუტი

გასვლა დილით ულამაზეს ჩანაჩქერებისკენ.
სალაშქრო მანძილი 12 კმ.
წყალვარდნილი - ონიორე (70 მ) - ულამაზესი ჩანჩქერი მდინარე აბაშის ხეობაში მდებარეობს. გადმოცემით, აქ ნივრის მოსაყვანი ადგილი ყოფილა. ეს ადგილი ხასიათდება ულამაზესი მღვიმეებით.
პიკნიკი მდინარის პირას.
დაბრუნება ბათუმში.


ტურის ღირებულებაში შედის:

ტრანსპორტირება კომფორტული სპრინტერით
2 კვალიფიცირებული გამყოლის(ინსტრუქტორის) მომსახურება
სალაშქრო აღჭურვილობა (კარავი, საძილე ტომარა, პარალონი)

ტურის ღირებულებაში არ შედის:

3-ჯერადი კვება საველე პირობებში - 50 ლარი (2 დღე)
მარტვილის კანიონზე ნავით გასეირნება

საჭირო ინფორმაცია:

ჩაიცვით სპორტულად - საწვიმარი ქურთუკი, მოხერხებული ფეხსაცმელი, სათადარიგო ტანსაცმელი
სასურველია ფანარი
სათანადო ფიზიკური მომზადება